Ronde van Vlaanderen

Jaja, dat adde niet gepeisd hé, dak naar de koers zou gaan kijken! Maja, als da de Ronde van Vlaanderen is, Tommeke Boonen meedoet, deze door Kortrijk passeert en ik ne fotoblog t'onderhouden hem, dan verstaat ge dak da nie aan mij koste laten passeren. Allé, 'k heb ze eigenlik wél aan mij laten passeren, alléhouw, ge verstaat wel é.
Feitelik was er nie veel koerse te zien. Eerst een ure gelik koei'n staan gapen op de reclamekaravaan (en wat em vips er in Hodsnaam aan om een alf ure vóór de koereurs in ne geblindeerde vwatuur te rijden???), en dan passeren er in nen alve minuut een oopke koereurs ip ulderen vélo in strakke nearly gay-pakskes in allerlei zotte kleurkes, en dadist. Versta je gij da, dat er daar zoveel volk na komt kieken? Ge moogt et anders altijd ne keer komen expliqueren zulle.
Keb aleens Tom nie gezien, of misschien wel, maar kwist et nie.
Maar allé, keb toch weer wa sfeerfotookes voor vandage, en da was de feitelike bedoeling njè.

Feeste ip de Grote Markt


Kortrijk maakt zich op voor de Doortocht


Wacht'n wacht'n wacht'n


Een deelke van de reke reklam ('t is een filmtjen é, klikterop)


De Flikken: ter moto,...

...ter otto...

...en in de lucht


Algelik nog (!): 12:08u.>>>de koereurs

Als ik per ongeluk ne bekenden eb getrokken, weet et mij te zeggen é!